ឯកឧត្តម ម៉ាន់ ឈឿន ជាលេខាធិការ ក្រុមសមាជិក ព្រឹទ្ធសភា ប្រចាំភូមិភាគ ទី១ បាន អញ្ជើញ ចូលរួម ប្រជុំជាមួយក្រុមប្រឹក្សា សង្កាត់ទឹកល្អក់ ទី២ ខណ្ឌទួលគោក រាជធានីភ្នំពេញ ដើម្បីទទួលពត៌មាន ពីការខិតខំបំពេញការងារសេវាជូនបងប្អូន ប្រជាពលរដ្ឋ
ថ្ងៃព្រហស្បត៍ ទី២៦ ខែវិច្ឆិកា ឆ្នាំ២០២០ វេលាម៉ោង២:០០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមប្រជុំជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ដើម្បីទទួលពត៌មានពីការខិតខំបំពេញការងារសេវាជូនបងប្អូនប្រជាពលរដ្ឋក្នុងខែវិច្ឆិកា និងលើកទិសដៅការងារជាអាទិភាពសម្រាប់ខែធ្នូឆ្នាំ២០២០ រួមមាន៖
១-ការងារចុះរំលឹកបងប្អូនប្រជាពលរដ្ឋតាមខ្នងផ្ទះ ត្រូវបន្តរួមគ្នាប្រយុទ្ធប្រឆាំង និងរលកថ្មីនៃមេរោគរាតត្បាតកូវីដ-១៩ ដោយប្រុងប្រយ័ត្នបំផុត
២-ការងារភូមិសង្កាត់មានសុវត្ថិភាព
៣-ការងារបង់ថ្លៃសេវាប្រមូល ដឹកជញ្ជូនសំរាមតាមការណែនាំថ្មី របស់សាលារាជធានីភ្នំពេញ។
